قصيدة "المنيعة"
هلكنـــــي تراس جـــــــــا متلافينا
ويفتـــش عن نسبتي جــــاني سوال
قـــال بديتك فــي الكلام تسامحنا
لا تجحد شي كون صادق في المقال
انــــا من لغـــواط مــاني شي منـا
ب ســوالك هوظتني نفذوا لاعـــلال
الاغـــواط اغواطـــين في معرفتنا
الاغـــواط المعلوم والاغواط كســـال
الاغــواط الـلي جا ب ميزه شرقينا
واللــــي نـاسه عايشــــه همة ودلال
مـــانرضــوا بـالذل للـــي عاشرنـا
ونموتــــوا ع النيف رخاســة للمـــال
ما تخفـــاكش في المــدن شوايعنا
شهدوا لينا بالشـــجاعة ناس ابطــال
سقسـي قـاع الناس راهـا تعرفنـا
ما تلقـــــى فينــا لارذيــــل ولا ذلال
عيطـه مـن لعـــراش راهــم نســبتنا
يختـــاروا لولادهـــــم منـــا لخـــوال
ماني داري نشتاق شوفة من هلنا
ولانـــي ضاري نفرق بــلادي محـال
لانـي قـاتل روح من بـــري نجنى
ولانـــي داير سايسة من وطني مـال
ارمــانا لغــواط في المنعة عدنـــا
بر القــــارة والنفاقـــات والاهـــوال
فيهــا خمس عروش مــا فيهم قمنا
غــــير اللــــي يبغضنا رافد الادغـال
اتخلطنـــا في الطبــايع و اللســنا
واللي ايحدث فــيك ما تفهم مــا قال
(يا غضب الطش) ما عرفنا له معنى
وامـــا غضب الله عليهـم ظــاهر حال
في ذي الدشرة الخالية شفت اغبينة
وعربهـــــا لـــــنزيلهم مـــا ردوا بال
جمايعها ديمــا تفتش علــــى الفتنة
ضــــاعت غربتنا مـــع هذا الجهـــال
ولا مـــن يعمل بالشــريعة والســنة
هذا الناس تقـــول في فطرة مــازال
اللـــــي هو مدفـــون وسط الجبانة
كرعيه اظهــاره وراسه غربي مـــال
مـا شفنــــا فيهــا جمـــايع تعجبنا
مبســوطة بكــلامها ينزل على البـال
ناسا لا يرضـــوا ب خلطــت عشرتنا
لمنـــاهم كانوا مع الصحرى همـــال
كــــــي نتفكر غربتي في البر هنا
ايحدثني قلبي احديـــث انتـاع اهبال
قلبـــــي فرفر للوطـــن ورفاقتنــا
لو نجبر حيلــة انطير مــــع لوعــــال
لحــــــــت بعينــي للمراسم بعدتنـا
اندنق في وطني عليه الغيم اكحــال
مهــــــاميد تعـــــب الخـــــاطر لينا
ارض مغبـــة والعــــرب منها رحــــال
الله يا لحبـــــــاب خنتــــوا عاهدنا
احليلي انا انفتش الخـــاطر وانســال
من يغفـــــــل عنــا حــسيبه مولانا
غير انا اللـــــي في ظني ماني بدال
تتقـــلب الافـــلاك عبدك ما يهنـــى
ساعة في راحة وساعة في لنكــال
نســــــــتنوا ليـــام تــــداول لينـــا
اذا راهـــــا صــــــادة نرجى الميجال
الله لا تســـــريح من شرق ايجينـــا
ربع اشـــــهر ســنيا عليهم جنـــيرال
لا تكتبلــــي تربتــي في البر اهنا
يـــــــــــارب بجـــــاه محمـــد و الال
كـــي شفت التســـريح ذرك تهنينا
البوشــــاط نهـــاوكوه برود الحــال
نعطيــك نعت البوشطة كيف اتجينا
ابعير اجرب جا, مع الصحرى هزقـال
نشــــقوا ذيك الفجــــوج العريانــة سبع
ايـــــام اعدادهم والليل اكمــال
غـــرداية يوميــــن فيهــــا ريحنـــا
شــمينا ريــح الوطن وزيان الحــــال
لا مرســـــول نزيفطـــه ببشـــارتنا
هنــــــاني سلك التريســـيتي خصال
خرجــــوا من الاغواط يتلقـــوا فينا
الاحبـــاب للــي شادة الظنة مـــا زال